Сонуннар

Информационная система Олонхо диэн сиртэн ылыллыбыт
Сүрүн сирэй > Сонуннар

Ис хоһооно

Америкаҕа буотах айан

  • Кулун тутар 15 күнэ, 2013 с., бээтинсэ.

Василий Илларионов

Хотугулуу-илиҥҥи федеральнай университет преподавателлэрэ профессор В.В. Илларионов уонна Олоҥхо Институтун директорын солбуйааччы С.Е. Васильев Америкаҕа аатырар Гарвард университетыгар үлэлээн кэллилэр. Кинилэр америкаҕа үлэлэрин туһунан кэпсээннэрин ааҕааччыларга тиэрдэбит.

(Сиһилии >>)


В СВФУ обсудили Ысыах Олонхо - 2013

  • Алтынньы 15 күнэ, 2012 с., бэнидиэнньик.

Игнат Алексеев

На минувшей неделе в СВФУ состоялось совещание по подготовке к республиканскому ысыаху Олонхо, который пройдет в следующем году в Мегино-Кангаласском районе. Напомним, Институт Олонхо СВФУ является основным научным консультантом организаторов и несет ответственность за издание текстов олонхо улуса-хозяина.

(Сиһилии >>)


Бүлүүлэр Олоҥхо күннэрин бэлиэтииллэр

  • Ахсынньы 1 күнэ, 2011 с., чэппиэр.

Сахая Львова

Сэтинньи 25 күнүгэр - Олоҥхо күнүгэр Дьокуускай куоракка үс көлүөнэ Бүлүү олоҥхоһуттарын кытта көрсүһүү буолбута. Ол туһунан Бүлүүтээҕи «Алгыс» сынньалаҥ киинин иһинэн үлэлиир В.О. Каратаев аатынан олоҥхоһуттар уонна тойуксуттар народнай түмсүүлэрин салайааччы, СР Культуратын туйгуна Светлана Тарасовна Иванова кэпсиир.

(Сиһилии >>)


"Эр соҕотох Эллэй Боотур"

  • Ахсынньы 1 күнэ, 2011 с., чэппиэр.

Сахая Львова

Олоҥхо театра Алтан Сарын айымньытынан «Эллэй боотур» диэн олоҥхо киэптээх спектаклы Өксөкүлээх Өлөксөй аатынан культура уонна искусство киинин сыанатыгар Олоҥхо декадата аһыллар күнүттэн саҕалаан, үс күн устата хатылаан туруорда. Туруорааччы – Культура уонна духуобунай сайдыы миниистирэ Андрей Борисов, режиссер – СР үтүөлээх артыыһа Герасим Васильев.

(Сиһилии >>)


Олоҥхону истии култууратыгар олук уурулунна

  • Ахсынньы 1 күнэ, 2011 с., чэппиэр.

Сахая Львова

«Муҥха олоҥхото» идея ааптара, фестиваль научнай сүбэһитэ, олоҥхо эйгэтигэр утумнаахтык үлэлиир ХИФУ культурологияҕа кафедратын доцена, профессор Галина Семеновна Попова – Санаайа декада тэрээһиннэрин туһунан санаатын үллэстэр.

(Сиһилии >>)


Фольклорист Илларионов В.В. кинигэлэрин презентацията

  • Ахсынньы 1 күнэ, 2011 с., чэппиэр.

Сахая Львова

Олоҥхону чинчийэр кэккэ учуонайдарга бас-көс киһинэн ХИФУ РФ ХИ НТКИ Фольклор уонна культура кафедратын сэбиэдиссэйэ, профессор, ф.н.д. Василий Васильевич Илларионов буолар. Кини бу эйгэҕэ эдэр эрдэҕиттэн ылсан таһаарыылаахтык үлэлээбит үлэтэ кээмэйинэн да, суолтатынан да тэҥнээҕин булбата чахчы.
Ол курдук, бу Олоҥхо декадатын чэрчитинэн, сэтинньи 26 күнүгэр күнүс 3 чаастан Арчы дьиэтигэр кини салалтатынан, кыттыытынан кэнники сылларга бэчээттэммит кинигэлэрин билиһиннэрэр олус баай ис хоһоонноох, бэртээхэй тэрээһин ыытылынна.

(Сиһилии >>)

1964 сыллаахха тугу кэпсэппиттэрэй?

  • Сэтинньи 24 күнэ, 2011 с., чэппиэр.

Сахая Львова

Норуот олоҥхоһуттарын уонна ырыаһыттарын республикатааҕы Семинара 1964 сыл муус устар 6, 7, 8 күннэригэр Дьокуускай куоракка Суруйааччылар Союзтарын тэрээһининэн ыытыллыбыт. Ыҥырыллыбыт олоҥхоһуттар, ырыаһыттар испииһэктэригэр 18 киһи аата суруллубут, бары кэриэтэ кэлэн кыттыбыттар. Кинилэри сэргэ суруйааччылар, наука, бэчээт үлэһиттэрэ, СГУ преподавателлэрэ, устудьуоннара, художниктар, артыыстар кыттыыны ылбыттар. Дьэ, ол саҕана тугу кэпсэтэр эбиттэрий?

(Сиһилии >>)


Эдэр ыччаты Муҥха олоҥхотугар ыҥырабыт!

  • Сэтинньи 3 күнэ, 2011 с., чэппиэр.

Сахая Львова

Саха сайдам ыччата! Эһигини бу дьыл сэтинньи 11-13 күннэригэр Нам Хатырыгар VIII Муҥха олоҥхотугар ыҥырабыт.
Тэрээһин сыалынан-соругунан буолаллар: муҥха саха норуотун култууратын биир ураты кэлим көстүүтэ буоларын ыччакка тиэрдии, сиэри-туому сөргүтүү; олоҥхону сэҥээрэр, толорорго холонор, олоҥхо олуктарын тус олоҕор туһанар ыччаты иитиигэ олук ууруу; олоҥхону чинчийэр үлэҕэ ыччаты тардыы; ыччаты олоҥхоҕо уһуйууга бастыҥ уопуту тарҕатыы.
Кэлиҥ, кыттыҥ, олоҥхо алыптаах эйгэтигэр ыксалаһыҥ!

(Сиһилии >>)


Саха олоҥхото Америка бастыҥ библиотекатыгар

  • Алтынньы 20 күнэ, 2011 с., чэппиэр.

Сахая Львова

Delegasia SVFU.jpg

Соторутааҕыта ХИФУ делегацията Америкаҕа «Вопросы сохранности культурного наследия в России и США: вчера, сегодня, завтра» семинарга кыттан кэллэ. НЧ Олоҥхо институтун директора, профессор Василий Николаевич Иванов АХШ Конгреһын Библиотекатын директора д-р Дж. Биллингтоны кытта көрүстэ.

(Сиһилии >>)


Сэдэх матырыйааллар

  • Алтынньы 20 күнэ, 2011 с., чэппиэр.

Сахая Львова

Pushkinskij dom-88193.jpg

НЧ Олоҥхо институтун (М.К. Аммосов аатынан ХИФУ) директорын солбуйааччы Афанасий Васильевич Мигалкин алтынньы 11 күнүгэр Нуучча литературатын Институтугар РНА(Пушкинский дом) научнай үлэ директорын солбуйааччы Ф. Панченконы кытта көрсөн, бииргэ үлэлиир туһунан сөбүлэҥи түһэристилэр. Бу институт фондатыгар XIX-XX үйэлэргэ ыытыллыбыт, ол иһигэр Саха сиригэр үлэлээбит экспедицияларга хомуллубут сэдэх архыып матырыйааллара (звуковые записи) харалла сыталлар.

(Сиһилии >>)


Утум олоҥхоһут Николай Иванович Сафонов – Дьырылы

  • Алтынньы 13 күнэ, 2011 с., чэппиэр.

Варвара Обоюкова

Кыра ойууну оҥоруу сатаммата: Билэ кээмэйэ мантан - 12,5 MP - улахан

Дорҕоону, тылы, куолаһы уонна кылыһаҕы сөпкө таҥан, аттаран, ситимнии дьүөрэлээн, иэйэн-куойан дэгэрэҥнэтэ, дьиэрэтэ оонньотор сатабыллаах, хатыламмат ньыманан сахалыы ырыаны-тойугу толорооччулартан таһыччы үрдүк таһымнаах, биһиги ытыктыыр, сүгүрүйэр киһибит Николай Иванович Сафонов - Дьырылы бу дьыл алтынньы 14 күнүгэр лоп-бааччы 80 сааһын туолла.

(Сиһилии >>)


Төгүрүк остуол: III. Духуобунас уонна норуот маастардара

  • Алтынньы 6 күнэ, 2011 с., чэппиэр.

Сахая Львова

Photo-Iskustvo.jpg

Өксөкүлээх Өлөксөй аатынан Культура киинигэр “Аныгы кэмҥэ норуот маастарын үлэтигэр төрүт үгэс суолтата” диэн төгүрүк остуол тула кэпсэтии буолла. Манна барыта 100-чэ киһи сырытта, ол иһигэр араас улуустартан норуот маастардара көхтөөх кыттыыны ыллылар.

(Сиһилии >>)


Төгүрүк остуол: II. Театр уонна олоҥхо

  • Алтынньы 6 күнэ, 2011 с., чэппиэр.

Сахая Львова

Photo-r14u33f16xx48y2011m09.0013.jpg

П.А. Ойуунускай аатынан Саха академическай театрга ыытыллыбыт “Олоҥхо уонна театр” диэн төгүрүк остуолу СР культураҕа уонна духуобунай сайдыыга миниистирэ Андрей Саввич Борисов уонна ф.н.к., профессор Агафия Еремеевна Захарова салайан ыыттылар.

(Сиһилии >>)


«Симэх» - норуот искусствотын киинэ

  • Алтынньы 6 күнэ, 2011 с., чэппиэр.

Лена Дягилева

Photo-r14u33f06xx48y2011m09.0002.jpg

«Духовный потенциал общества в инновационном развитии Якутии» диэн ааттаах улахан далааһыннаах тэрээһин чэрчитинэн, 24-25 чыыһылаларга «Туймаада» стадиоҥҥа дьэндэйбит «ИИТИИ» (Интеллектуальные инновационные творческие идеи, инициативы) быыстапка элбэх дьону түмтэ, дьоһун сэҥээриини ылла. Манна республика культуратын ведомстволара, араас тэрилтэлэр бэйэлэрин инновационнай уонна саҥа технологическай идеяларын билиһиннэрдилэр. Быыстапка биир уратыта диэн, көрөөччү эрэ быһыытынан буолбакка, экспонаттары тутан-хабан, эргитэн-урбатан көрүөххэ сөп.
Бу быыстапкалартан биирдэстэрин, А.Е. Кулаковскай-Өксөкүлээх Өлөксөй аатынан культура дьиэтин иһинэн тэриллибит «Симэх» норуот искусствотын киинин маастардарын үлэлэрин билиһиннэриэхпин баҕарабын.

(Сиһилии >>)


Олоҥхоттон саҕаламмыт театр

  • Алтынньы 1 күнэ, 2011 с., субуота.

Сахая Львова

Кыра ойууну оҥоруу сатаммата: Билэ кээмэйэ мантан - 12,5 MP - улахан

Бүгүн, а.э. алтынньы 1 күнүгэр, П.А. Ойуунускай аатынан Саха академическай театрга сарсыарда 10 чаастан Саха национальнай театра үөскээбит күнүн-дьылын чопчулуур киэҥ ис хоһоонноох кэпсэтии, өркөн чөмчөкөлөр сыаналаабыттарынан, «историяҕа киирэр» мунньах, саха норуотугар биир бэлиэ күн буолан ааста. САТ айар бөлөҕүттэн ураты бу мунньахха Ил Түмэн бэрэссэдээтэлин солбуйааччы Александр Николаевич Жирков, СР Культураҕа уонна духуобунай сайдыыга миниистирэ Андрей Саввич Борисов, СР Национальнай архыыбын директорын солбуйааччы Наталья Степановна Степанова уо.д.а. кыттыыны ыллылар.

(Сиһилии >>)


Төгүрүк остуол: I. Кэскиллээх санаа түһүлгэтэ

  • Балаҕан ыйын 29 күнэ, 2011 с., чэппиэр.

Варвара Обоюкова

Кыра ойууну оҥоруу сатаммата: Билэ кээмэйэ мантан - 12,5 MP - улахан

Олоҥхону наука таһымыгар чинчийэр институт «Саха олоҥхото уонна духуобунас» диэн ааттаах төгүрүк остуола уопсайа сүүсчэкэ араас санаалаах дьону түмтэ. Олоҥхону үөрэтэн, сөргүтэн, ону үйэтитэн кэнчээри ыччакка хаалларар сүрүн соруктар торумнарын уонна аан дойду таһымыгар тарҕатыы ньымаларын тосхоллорун тобулар түмсүүнү профессор В.В. Илларионов сөптөөхтүк иилээн-саҕалаан салайда.

(Сиһилии >>)


Нимҥакаан - эбэҥки олоҥхото

  • Балаҕан ыйын 27 күнэ, 2011 с., оптуорунньук.

Сахая Львова

Кыра ойууну оҥоруу сатаммата: Билэ кээмэйэ мантан - 12,5 MP - улахан

"Торҕо-түргэ таҥастаах Торгандуун маатаа" нимҥакаан, норуот ырыаһыта Валентин Гаврильевич Исаков сахалыы тылбаастаан, үс сүүсчэ сирэйдээх дьоһун кинигэ буолан таҕыста. Бу эбэҥки олоҥхотун аан бастаан сахалыы тылбаастааһын быһыытынан, фольклористарга, этнографтарга, тунгусоведтарга уонна эпоһы сэргиир-сэҥээрэр киэҥ араҥаҕа сонун бэлэх буолар.

(Сиһилии >>)


"Олоҥхо уонна духуобунас" диэн төгүрүк остуолга ыҥырабыт

  • Балаҕан ыйын 22 күнэ, 2011 с., чэппиэр.

Сахая Львова

Кыра ойууну оҥоруу сатаммата: Билэ кээмэйэ мантан - 12,5 MP - улахан

Духуобунас республикатааҕы форумун (Республиканский форум общественности «Духовный потенциал общества в инновационном развитии Якутии») чэрчитинэн, балаҕан ыйын бүтэһик күннэригэр барыта 30-ча төгүрүк остуол ыытыллара күүтүллэр.

(Сиһилии >>)


Көй Дуораан: Сир сүрэҕин тэбиитэ

  • Атырдьах ыйын 15 күнэ, 2011 с., бэнидиэнньик.

Сахая Львова

Photo-r14u33f15xx47y2011m08.0002.jpg

Атырдьах ыйын 9 күнэ - Олохтоох омуктар аан дойдутааҕы күннэрэ. Бу күн сир ийэ араас муннугар олохтоох омуктар түмсэн, барабаан охсоллор. Итинэн кинилэр культура эгэлгэтин уонна духуобунай сомоҕолоһууну билинэллэрин, олохтоох омуктар бырааптарын уонна көҥүллэрин туруулаhалларын этэллэр. Бу акция, биһиги республикабыт туруорсуутунан (!), ХНО (ООН) салалтатын өйөбүлүнэн, былырыыҥҥыттан ыла тэриллэр буолбута.

( Сиһилии >>)


Мирнэйгэ буолбут Олоҥхо Ыһыаҕын туһунан ааҕыҥ

  • От ыйын 27 күнэ, 2011 с., бэнидиэнньик.

Сахая Львова

Кыра ойууну оҥоруу сатаммата: Билэ кээмэйэ мантан - 12,5 MP - улахан

Быйылгы Олоҥхо ыһыаҕа Мирнэй куоракка ыһыллар буолбутун бары да соһуйа истибиттэрэ. Тоҕо ол нууччалар тоҕуоруспут сирдэригэр ыыттахтарай диэн омнуолуу санааһын да баара. Сорох аҕа баһылыктарбыт уостарыттан олуонатык иһиллибит "Проводить Ысыах Олонхо в Мирном - это опасно", "это очень сложно" диэн тыллар да бааллара. Ол эрээри, ыһыах ыытыллар сирэ мээнэҕэ талыллыбатаҕа. Ис хоһооно дириҥ, суолтата улахан этэ. Мирнэй курдук промышленнай куорат эт кулгааҕынан, уу хараҕынан саха култууратын, үтүө үгэһин, дьиҥнээх ыһыах диэн тугун билэрин-көрөрүн туһугар.

(Сиһилии >>)

НК-09 группаҕа экзамен боппуруостара